** ملخص من برلمان الدجاج ** قصة قصيرة زجلية هزلية

صورة: ‏**  ملخص من برلمان الدجاج  ** قصة قصيرة زجلية هزلية 
==================================

 اصبح الدجاج في البرلمان . ولا مجال للدجاج  الكروزي  العريان * القبة عمرات ولكراسى عمروا . وللتكعكيع وللصياح اتشمروا * كلشي ابيض الله يبارك . الدجاج الرومي هو اللي بارك * افتح الجلسة فروج حايل . قال ارى اللي عندو شي امسايل * اتكلمت ادجاجة على الشمندر . وكيف الدجاجة اتبيض والديك امبندر * ومشاكل الدجاج الكروازي المنتوف . وحالات البلدي اللي تيعيش ضروف * وعلى تفقاس البيض والمارج . وعلى حقوق لفلالس ملي اتصير افرارج * اتكلمت الاخرى على حقوق الدجاجة . اللي ردها ابنادم زردة وافراجة * ومشاكل الاعراس والف الضحايا . والسجون الجماعية وكل الخبايا  * واتكلمت الاخرى على الشواية والتحمار . وعلى التشرميلة وكيف يتم التعمار * اتكلم فروج وهز البرلمان . قال عيانة الشمندر باغيين الرمان * وعلى التزريدة وانقيب الشعير . وكيف بعد الجلسة الامور اتسير * اتكلمت ادجاجة على الامية والهدر المدرسي . والسبيطارات اللي باقي همهوم راسي * على لغلى والزيادة في الاسعار . كل يوم زيادة ابلا سابق اشعار * عقب اعليهم وزير العلف والشمندر . بكلام يخرج القلب من الصدر *  على الفلاحة والسرحة والسياحة . وامور اخرى تابعة لوزارة لقباحة والنفاحة * نوضها الاحزاب بالترفريف والنقيب . واختمها رئيس الجلسة بالتصياح ولقليب *   الجلسة اسخونة ما اتريح . الدجاجات اتقعقع ولفرارج اتصيح * احضر الجلسة بيبي ولحمام . وصحافة ديال الطيور بالعرام * بعد ما سلات كل الاقوال . قلبوها انتيف واهوال * ردوها انقيب وكبرات لفراجة . وصبحات القبة نايضا فيها اعجاجة  *           

شعر مصطفى امزيل المعازيز في 2013/3/22
اقليم الخميسات المغرب‏

اصبح الدجاج في البرلمان . ولا مجال للدجاج الكروزي العريان * القبة عمرات ولكراسى عمروا . وللتكعكيع وللصياح اتشمروا * كلشي ابيض الله يبارك . الدجاج الرومي هو اللي بارك * افتح  الجلسة فروج حايل . قال ارى اللي عندو شي امسايل * اتكلمت ادجاجة على الشمندر . وكيف الدجاجة اتبيض والديك امبندر * ومشاكل الدجاج الكروازي المنتوف . وحالات البلدي اللي تيعيش ضروف * وعلى تفقاس البيض والمارج . وعلى حقوق لفلالس ملي اتصير افرارج * اتكلمت الاخرى على حقوق الدجاجة . اللي ردها ابنادم زردة وافراجة * ومشاكل الاعراس والف الضحايا . والسجون الجماعية وكل الخبايا * واتكلمت الاخرى على الشواية والتحمار . وعلى التشرميلة وكيف يتم التعمار * اتكلم فروج وهز البرلمان . قال عيانة الشمندر باغيين الرمان * وعلى التزريدة وانقيب الشعير . وكيف بعد الجلسة الامور اتسير * اتكلمت ادجاجة على الامية والهدر المدرسي . والسبيطارات اللي باقي همهوم راسي * على لغلى والزيادة في الاسعار . كل يوم زيادة ابلا سابق اشعار * عقب اعليهم وزير العلف والشمندر . بكلام يخرج القلب من الصدر * على الفلاحة والسرحة والسياحة . وامور اخرى تابعة لوزارة لقباحة والنفاحة * نوضها الاحزاب بالترفريف والنقيب . واختمها رئيس الجلسة بالتصياح ولقليب * الجلسة اسخونة ما اتريح . الدجاجات اتقعقع ولفرارج اتصيح * احضر الجلسة بيبي ولحمام . وصحافة ديال الطيور بالعرام * بعد ما سلات كل الاقوال . قلبوها انتيف واهوال * ردوها انقيب وكبرات لفراجة . وصبحات القبة نايضا فيها اعجاجة *

شعر مصطفى امزيل المعازيز في 2013/3/22
اقليم الخميسات المغرب





ليست هناك تعليقات:

إرسال تعليق